SUAI, 31Nusantara.Com sita husi Radio Comunidade Cova Taroman*-Iha Vizita Sua Santidade Papa Francisco ne’ebé to’o Timor Leste iha loron 09 Fulan Setembru 2024, Sarani husi Munisipiu Covalima hamotuk ema na’in rihun hat atus lima sia nulu resin ida (4591) rejistradu Aranka husi Covalima iha loron 08 dader ba fatin konsentradu Tibar atu partisipa misa solene ne’ebé prezidi direta Papa Francosco iha tasi tolu Dili, loron 10 fulan setembru.
Nune’e, Peregrinu besik rihun lima husi Munispiu Covalima, ne’ebé konsentra iha fatin Akamentu Tibar, desloka husi fatin konsentradu, la’o ain ba fatin misa tasi tolu Dili.
Peregrinu sira aranka iha oras hale’u tuku 9:25Otl, Sarani Covalima Antisiasmu lori Sua Santidade Papa Francisco nia Foto, hahanu no reja tuir dalan, ida idak hiit nia be hemu tuir nesedidade, taka Sumbriña (payung) hodi taka netik loron matan, uniforme la’o tuir protukolu ne’ebé akompaña husi Komunisaun Organizadora, Prezidenete Autoridade Covalima, Administrador Postu Administrador hitu no mos hetan Siguransa husi PNTL sira ne’ebé lidera direta husi Komandante Munisipiu Covalima, nune’e mos akompaña husi Eskuteriu Sira.
Peregrinu Silvester Ferreira tau esperansa depois de misa santa ho Amu Papa sei lori dame ba timor oan liu liu ba foinsa’e sira.
“Senti kontenti ho Sua Santidade ne’ebé vizita povu Timor-Leste ho hanoin ida katak Papa nia vizita iha Timor leste mai lori paz ho dame iha Timor-Leste, Ha’u nia esperansa ba Papa nia vizita ne’e ho nia tema ne’ebé iha loron ida ohin katak, fiar mak sai kultura, entaun mensajen ba joven sira katak Amu Papa fila husi rai ida ne’e ema Timor oan la hare ba nia kor la hare ba nia ras la hare ba nia grupu, para oinsa kria dame ho Paz, atu Timor ne’e mudansa iha futuru” Silvester espresa.
Engkuantu, Sarani husi Munisipiu Covalima, Orgullu partisipa Misa Santa ne’ebé prezidi direta husi Sua Santidade Papa Francisco, Misa Santa iha tasi ne’e hanesan opotunidade daruak ba sarani timor leste, selebra eukaristia ho Amu Papa nudar lideransa maximu igreja katolika. Peregrinu,Tito Abilio do Sarcamento, Manifesta.
“Kontenti tanba ita nudar Covalima oan bele asiti misa iha ne’e, maske ita la hasoru direita maibe ita hare direita iha rai ida ne’e, baihira ha’u rona amu Papa nia mensajen primeiru ha’u kontenti no orgullu tanba nasaun ida foin ukun an tinan rua nulu resin maibe ita konsege realiza duni santidades bo’ot ida liu fali tinan ida uluk liu ne’ebé hala’o molok ita atu ukun an” Tito dehan.
Entretantu iha loron 12 fulan Outubru 1989, Timor Leste hetan ona Vizita dahuluk husi Lideransa Maximu husi Igreja katolika, Amu Papa João Paulo II hodi halo misa iha tasi tolu Dili, iha vizita ne’eba halo ema barak kontenti liu liu Juventude sira ne’ebé luta ba ukun rasik an, tanba eventu ne’e hanesan oportunidade ba sira atu hatudu Timor nia luta ba mundu liu husi kobertura jornalista internasional sira nian iha eventu ne’eba. Nune’e liu tiha tinan 35, Rai Lafaek Timor Leste Hetan Preveleziu bo’ot dala ida tan tanba bele hetan vizita husi Sua Santidade Papa Francisco iha loron 09 fulan Setembru 2024, ne’ebé ho esperansa tomak sarani Timor nia katak vizita ne’e sei lori bensa no dame ba povu no nasaun juven timor leste. *(Jornalista Radio Comunidade Cova Taroman, Moichung).*
